മോഹം

ഒരുവട്ടം കൂടിയെന്നോറ്മകള്‍ മേയുന്ന
തിരുമുറ്റത്തെത്തുവാന്‍ മോഹം

തിരുമുറ്റത്തൊരുകോണില്‍ നില്ക്കുന്നൊരനെല്ലി
മരമൊന്നുലത്തുവാന്‍ മോഹം

അടരുന്ന കയ്മണികള്‍ പൊഴിയുമ്ബൊള്‍
ചെന്നെടുത്തതിലൊന്നു തിന്നുവാന്‍ മോഹം

സുഖമെഴും കയ്പ്പും പുളിപ്പും മധുരവും
നുകരുവനിപ്പഴും മോഹം

തൊടിയിലെ കിണര്‍ വെള്ളം കോരിക്കുടിച്ചെന്തു
മധുരമെന്നോതുവാന്‍ മോഹം

ഒരുവട്ടം കൂടിയാപ്പുഴയുടെ തീരത്ത്
വെറുതെയിരിക്കുവാന്‍ മോഹം

വെറുതേയിരുന്നൊരു കുയിലിന്റെ
പാട്ടുകേട്ടെതിര്പാട്ടുപാറ്റുവാന്‍ മോഹം

അതു കേള്ക്കെ ഉച്ചത്തില്‍ കൂകും കുയിലിന്റെ
ശ്രുതിപിന്തുടരുവാന്‍ മോഹം

ഒടുവില്‍ പിണങി പറന്നുപോം
പക്ഷിയോടരുതേ എന്നോതുവാന്‍ മോഹം

വെറുതേയീ മോഹങളെന്നറിയുമ്പൊഴും
വെറുതേ മോഹിക്കുവാന്‍ മോഹം